Kơdră Quốc hội Trần Thanh Mẫn pơgơ̆r hop akŏm. Hop akŏm ăn tơgop nơ̆r găh trong jang pơtruh ăn Anih tơm Chĭnh trĭ, Ban Bí thư set hơlen tơmơ̆t dơ̆ng 1 ‘nu Phŏ Bí thư Đảng ủy Quốc hội sơnăm jang 2025 - 2030 păng vang jang lơ̆m Khŭl kơdră chĕp kơ̆l pơgơ̆r Đảng ủy Quốc hội; set hơlen hơmet tôm kơdră jang Đảng ‘noh: Đảng ủy dôm anih jang tơgŭm tơdrong jang kơ Đảng ủy Quốc hội; Đảng ủy Anih pơvih ăn Quốc hội; Anih hơlen lăng; Anih vei lăng Kon pơlei hơpơi ‘meh vă păng Dăr hơlen; set hơlen tơdrong hơmet tôm kơdră chĕp kơ̆l dôm Anih jang kơ Quốc hội, chĕp kơ̆l dôm anih jang tơgŭm tơdrong jang kơ Đảng ủy Quốc hội, pơlơh băl pơm Bí thư, Phŏ Bí thư Đoàn Hơdruh tơdăm Quốc hội.