Pơgê 11/8, tơ̆ Hnam Quốc hội, Anih chĕp kơ̆l pơgơ̆r Quốc hội pơgơ̆r pơih blŭng ‘Măng hop akŏm mă 48. Tơchĕng hơdrol lơ̆m 3 năr bơ̆jang, ‘măng hop akŏm gô set hơlen, ăn tơgop nơ̆r hăm 17 tơdrong păng 1,2 tơdrong răk hiă. Găh lơ tơdrong ‘nâu gô đei pơtruh ăn Quốc hội tơ̆ ‘Măng hop akŏm mă 10, ‘măng hop akŏm hơtuch jăl jang, pơtôch jăl trong 5 sơnăm păng pơm tơdrong ‘lơ̆ng ăn tơdrong bơ̆jang kơ jăl jang jăl 16. Tơchĕng hơdrol, Khŭl kơdră teh đak gô pơtruh ăn hloh 90 tơdrong tơ̆ ‘Măng hop akŏm mă 10. Pơma pơih blŭng ‘măng hop akŏm, Kơdră Quốc hội Trần Thanh Mẫn pơma hơdăh, ‘măng hop akŏm đei tơdrong ‘lơ̆ng tôch kơ gĭt kăl vă ăn tơgop nơ̆r păng set hơlen pơdrơ̆ng kiơ̆ tơ̆ ‘Măng hop akŏm mă 10 ‘noh jĭ ‘Măng hop akŏm hơtuch kơ Jăl 15.

Tơ̆ ‘măng hop akŏm mă 10 gô đei pơtôch jăl jang kơ Quốc hội pơtôch jăl jang 2021-2026, set hơlen dôm tơdrong jang hơmet ăn tơbăt năr Akŏm pôk rơih Quốc hội 6/1/2026. Hơdai hăm ‘noh, Anih chĕp kơ̆l pơgơ̆r Quốc hội kŭm pơma dơnuh păng ăn tơgop nơ̆r: trong jang, tơdrong tơgŭm hơdrô̆ tơmơ̆t jên jang pơm Cham gre păr apŭng plĕnh teh Gia Bình; tơchơ̆t kơsô̆ anih jang Jô̆ hơlen jên teh đak tơring găh Anih Jô̆ hơlen jên teh đak .... set hơlen Chih roi tơbăt tơdrong jang kon pơlei hơ pơih ‘meh đơ̆ng Quốc hội khei 7/2025.