Kơdră Quốc hội Trần Thanh Mẫn tơƀôh đon chơt hơiă ƀôh tơdrong pơvei Việt Nam-Nhật Bản hlôi đei dôm hơyak hơtŏk tơiung ‘lơ̆ng hơiă đơ̆ng rŏng hloh 50 sơnăm pơjing tơdrong pơvei jang tơbôl hăm tơdrong 2 păh hơtŏk tơdrong pơvei tŏk “Jang hơdai gĭt kăl tôm tơdrong yua kơ tơdrong rơngei păng hơnŭk hơnoa tơ̆ châu Á lơ̆m apŭng plĕnh teh”; pơma hơdăh, lui ngeh chĭnh trĭ đơ̆ng 2 teh đak roi ‘năr roi đei hơmet ming.

Tơ̆ jơ sơng, 2 păh pơma hơdăh lăng kăl tơdrong pơvei đơ̆ng Đảng Cộng sản Việt Nam păng Đảng Cộng sản Nhật Bản; drơ̆ng nơ̆r hơnơ̆ng tŭn pran tơƀơ̆p, pơma dơnuh đơ̆ng kơdră kơpal ‘moi kiơ̆ lơ trong jang ‘lơ̆ng, mă loi ‘noh jĭ đơ̆ng khŭl kơdră chĕp kơ̆l mơlôh; hơnơ̆ng pơvei, hơtŏk ‘lơ̆ng đei yua trong jang pơma dơnuh lý luận, vang tơroi tơdrong jang, đon tơchĕng găh tơdrong apŭng plĕnh teh păng tơring.  

Lơ̆m jơ năr năm ngôi tơ̆ Nhật Bản, Kơdră Quốc hội Trần Thanh Mẫn hlôi sơng ƀok Saito Tetsuo, Kơdră Đảng Công Minh Nhật Bản.