Tơ̆ jơ sơng, Kơdră Grŭp jang Tokyu roi tơbăt hăm Kơdră Quốc hội găh dôm tơdỏng iŏk đei đơ̆ng jang hơdoi kơplăh Tokyu păng Becamex lơ̆m tơdrong atŏk tơiung anih jang, trong nơnăm tơring kơdrâm tơ̆ Bình Dương; atŭm hăm ‘nŏh bơnê dêh char Bình Dương hơnơ̆ng tơrĕk, tơgŭm păng pơjing tơdrong hiôk hian ăn Grŭp jang mư̆h jang hơdoi, tơmât jên tơ̆ tơring.

Tơchĕng ‘lơ̆ng tơdrong jang tŏk pran păng hrĕnh đơ̆ng Việt Nam khei ‘năr âu ki, Kơdră Grŭp jang Tokyu hơpơi ‘mĕh hơnơ̆ng jang hơdoi, roi tơbăt ăn băl dôm tơdỏng kăl đei chih răl lơ̆m 100 sơnăm âu ki găh jang atŏk tơiung tơring kơdrâm, vă pơjing Bình Dương jing tơring kơdrâm rơgŏh ‘lơ̆ng, gơ̆h hơgei păng tơgăl kơ arih. Hăm 50 sơnăm bơ̆ jang găh atŏk tơiung tơring kơdrâm, Kơdră chĕp kơ̆l Khul vei lăng Grŭp jang Tokyu hơpơi ‘mĕh roi tơbăt dôm tơdrong hlôh vao đơ̆ng kơdih păng grŭp jang vă pơih xă dôm tơdrong tơmât jên jang man anih jang, pơm trong tơ̆ tơring kơdrâm lơ̆m tteh đak Việt Nam pơma atŭm păng dêh char Bình Dương pơma hơdrô̆.