Tơ̆ jơ tơƀơ̆p, 2 păh pơma hơdăh sơnăm 2025 jĭ sơnăm đei lơ tơdrong ‘lơ̆ng lơ̆m jơhnơr hơrih 2 teh đak păng lơ̆m tơdrong pơvei 2 pang; 2 păh hlôi vang jang lơ tơdrong jang păng lêh tơbăt gĭt kăl đơ̆ng băl; vang pơgơ̆r lơ tơdrong jang vă tơbăt 75 sơnăm Năr pơjing tơdrong pơvei tơbôl đơ̆ng 2 teh đak, tơƀôh tơdrong ‘mêm joăt joe tơbôl mă 2 teh đak ‘măn ăn băl.

2 păh drơ̆ng nơ̆r akhan pơvei jang hơdai gĭt kăl tôm tơdrong Việt Nam- Nga tŏk bŏk hơtŏk tơiung ‘lơ̆ng; jang hơdai 2 pang lơ̆m rim tơdrong jang mŭk drăm - tĕch mơdro, tơmơ̆t jên jang đei pơtrŭt kiơ̆ trong hơdăh ‘lơ̆ng, đei yua, mă loi ‘noh jĭ jang hơdai choh jang sa, bri ‘long, ka hơdang, phe ƀa tơmam sa; tơdrong 2 păh pơih să dôm trong păr tơpăt hlôi tơgop pơtrŭt jang hơdai tơƀơ̆p băl kon pơlei, tơmang lăng, tĕch mơdro đơ̆ng 2 teh đak.