Ƀar 'nu kơdră chĕp kơ̆l tơƀôh jơhngơ̆m đon hơiă tơ̆ hơnăp tơdrong tŏk pran 'lơ̆ng, tôm tơdrong păng đei yoa tơ̆ yăn âu lơ̆m tơdrong pơvei Việt Nam - Mông Cổ, mă loi iŏk đơ̆ng 2 teh đak pơjing tơdrong pơvei Jang hơdoi gĭt kăl, tôm tơdrong ƀlep ƀât 'măng năm ngôi tơ̆ teh đak Mông Cổ đơ̆ng Tổng Bí thư, Kơdră teh đak Tô Lâm khei 9/2024.

Ƀar păh drơ̆ng nơ̆r hơnơ̆ng hơmet kơjăp đon lui chinh trĭ, vei kơjăp tơdrong tơƀơ̆p tih hăm lơ trong jang rơgei 'lơ̆ng; hơnơ̆ng tưk tơiung, pơih să tơdrong jang tơbôl, khul linh, vei sơđơ̆ng teh đak; hơtŏk tơdrong jang hơdoi tơpă, 2 păh đei yoa ngăl, kiơ̆ đơ̆ng noh pơjing hơyak pran mưh jang hơdoi găh mŭk drăm, tĕch mơdro păng tơmơ̆t jên jang, lơ̆m noh đei tơdrong jăh pơgơ̆r 'Măng hop akŏm mă 20 Anih jang hơdoi kơ Khul kơdră teh đak Việt Nam - Mông Cổ; adrin jăh jang đei đon pơhnŏng pơm hơtŏk jên tĕch mơdro đơ̆ng 2 pang truh 200 triu USD; hơtŏk tơdrong jang hơdoi găh khoa hŏk kơmăi kơmŏk, chă tơmang lăng, tơplih hăm kơmăy sô̆, ŭnh hơyuh rơgoh.

Thủ tướng Mông Cổ athei tơchĕng hơlen, hơtŏk pơma đam găh tơdrong chơ chuĕn tơmam 3 pang Việt Nam-Mông Cổ-Trung Quốc vă hơtŏk tơdrong đei yoa tơpă mưh jang hơdoi găh trong gre, chơ chuĕn păng logistics./.