VOV4.Bahnar – Năr 12/10, tơ̆ pơlei tơm HCM, Kơdră teh đak bơ̆n Nguyễn Xuân Phúc păng Khul tang măt ăn Kuôk hô̆i pơlei tơm HCM Anih jang kơsô̆ 10 akŏm pơma dơnuh hăm kon pơlei apŭng Củ Chi păng Hóc Môn.

Atŭm hăm khul tang măt ăn Kuôk hô̆i pơlei tơm hlôi tơmơ̆ng, tơblang, chih iŏk nơ̆r tơgop đơ̆ng kon pơlei găh dôm tơdrong kăp gĭt kơ teh đak păng pơlei tơm, nhen tơdrong vei hơlen đak xăng đak dâu; tơdrong mă minh ƀar tơdrong vă jang tơ̆ pơlei tơm HCM pơkăp pơdơh pơm ăn kon pơlei pơngơ̆t kơ đon... Kơdră teh đak pơgơ̆r pơlei tơm tơblang ăn kon pơlei băt hơdăh ăh akŏm pơma dơnuh, atŭm hăm noh pơkăl xek tơlang hrôih dôm tơdrong pơkăl đơ̆ng kon pơlei. Tơ̆ jơ pơma dơnuh, Kơdră teh đak Nguyễn Xuân Phúc duh tơroi truh kon pơlei găh tơdrong đei jơnei đơ̆ng Hop akŏm mă 6  BCH Trung ương Đảng 'nao pơgơ̆r. Găh tơdrong đei jơnei pơm kiơ̆ dôm xơnong jang kơ xơnăm 2022, Kơdră teh đak ăn tơbăt, teh đak bơ̆n hlôi pơm jang đei jơnei, keh đang tơchơ̆t pơjao jang. Kiơ̆ kơ noh, jâ̆p teh đak đei 14/15 tơchơ̆t jang đei jơnei keh kong.

VOV/Lan tơblơ̆