Kơdră teh đak chơt hơiă pôk pơ ư dôm tơdrong jơnei gĭt kăl mă dôm jơhnơr chĕp kơ̆l, kăn ƀô̆ jang tơbôl iŏk đei. Iŏk đơ̆ng blŭng Hop akŏm mă XIII truh dang ei, tơdrong jang tơbôl hlôi iŏk đei lơ tơdrong jơnei gĭt kăl, kăp gĭt, vang tơgop ‘lơ̆ng ăn tơdrong jơnei atŭm kơ teh đak. Lơ̆m noh, gĭt kăl hlŏh jĭ jang tơbôl hlôi tưk tơiung đei jơhngâm pran, hơnăp jang năm hơdrol vă pơjing păng vei kơjăp tơdrong rơngei, sơđơ̆ng ‘lơ̆ng ăn tơdrong jang tŏk.

Găh trong vă jang lơ̆m tơdrong jang tơbôl tơ̆ hơnăp kơnh, Kơdră teh đak Lương Cường pơma hơdăh trong jang “Iŏk tơdrong ưh đei tơplih vă tơjră hăm rim tơdrong tơplih”, iŏk yoa ‘lơ̆ng jơhngâm pran hơdrĕch hơdrung păng jơhngâm pran đơ̆ng chăl ‘nao, vei kơjăp trong jang đunh đai, hơbĕch hơbal, gơ̆h hơgei, pơm ‘lơ̆ng hlŏh ăn tơdrong đei yoa kơ teh đak-hơdrĕch hơdrung. Tơdrong jang tơbôl athei bơ̆ jang tơdrong tơm ‘nŏh jĭ vang tơgop vei lăng ‘lơ̆ng tơdrong rơngei, hiôk hian, tơgĕch iŏk tơmam drăm, jên hu păng tơdrong ‘lơ̆ng tơ̆ ‘ngoăih vă jang atŏk tơiung teh đak.