Pơma tơ̆ âu, tang măt kơdră chĕp kơ̆l Đảng, Teh đak, Kơdră teh đak Lương Cường hmach thơ thâu, pôk pơ ư dôm jơnei mă kang ƀô̆, khŭl lĭnh kơđông vei lăng tơring sơlam Bát Mọt kŭm hăm kon pơlei lơ̆m tơring hlôi iŏk đei lơ̆m khei ‘năr âu ki. Kiơ̆ Kơdră teh đak, tơ̆ hơnăp kơnh, tơdra hơdrol tơdrong gô hơnơ̆ng đei ƀôh krê hơmơt, ưh kơ ê; dôm khŭl ayăt, khŭl tơblơ̆ ling lang chă trong tơ jră phă, che re tơdrong pơvei gĭt kăl đơ̆ng 2 teh đak Việt Nam păng Lào.

Yua thoi noh, hơnăp jang vei lăng hiôk hian tơdrong pơm tơm hơgăt teh kơ Teh đak lơ̆m tơdrong ‘nao tơlĕch ăn tôch kơ trăp trĭn. Kiơ̆ jơhngơ̆m đon ‘noh, Kơdră teh đak athei kang ƀô̆, khŭl lĭnh kơđông Bát Mọt hơnơ̆ng hơtŏk ‘lơ̆ng hơnăp jang ‘noh jĭ khŭl lĭnh tơm, joăt jang lơ̆m pơjing, vei lăng tơring sơlam teh đak, tơgop vei kơjăp cham char rơngei, sơđơ̆ng vă hơtŏk tơiung teh đak pơma atŭm păng dêh char Thanh Hóa pơma hơdrô̆.