Pơma ah jơ akŏm, Kơdră teh đak bơ̆n Lương Cường ăn tơbăt Đảng, Teh đak, dôm jăl pơgơ̆r tơring hơnơ̆ng tơmơ̆ng, tơgĭt păng chih akŏm nơ̆r pơtruh đơ̆ng tơring, đơ̆ng dôm chi ƀô̆ nhen Chi ƀô̆ thôn Quảng Chính 6.  Dôm nơ̆r pơtruh đơ̆ng tơring gô đei chih akŏm, hơlen vă 'măn ăn tơdrong pơkăp trong jang roi năr roi trŏ hăm tơdrong đei ƀôh tơ̆ tơring.

Kơdră teh đak pơgơ̆r dêh char Quảng Ninh pơtoi hơtŏk pơgơ̆r jang, tơrĕk hơtŏk hăm tơdrong pơgơ̆r păng tơjră kơnê̆ đơ̆ng anih jang đảng tơ̆ tơring, pơm jang tơnăp sơnong pơgơ̆r jang, sơkơ̆t đon tơchĕng ăn đe đảng viên, atŭm hăm noh pơgơ̆r, hơlêm, yuk trong hăm kon pơlei, mă kăl noh dôm tơring pơm jang tơguăt hăm kon pơlei hloh, dôm tơring oei lơ tơnap tap, tơring sơlam teh, tơring hơtaih yaih, iŏk yua tơnăp sơnong pơgơ̆r jang đơ̆ng Đảng tơ̆ tơring.