Pơma ah lêh tơbăt, Kơdră teh đak bơ̆n Lương Cường sơkơ̆t hơdah, lơ̆m 80 sơnăm tơ-iung pơjing păng hơtŏk, hăm tơdrong pơgơ̆r đơ̆ng Đảng, Jơnŭm jang luơ̆t sư Việt Nam hlôi yak hơdoi hăm kon pơlei păng đei lơ tơgop tih tên lơ̆m tơdrong iung tơjră ayăt Phalăng păng Mi tơgar, iung tơblah vă pơrơngei ăn tôm kon pơlei, rơngei tôm teh đak hơdrol ou ki, adoi nhen lơ̆m khei năr tơ-iung pơjing păng vei lăng teh đak hrei ou.

Kơdră teh đak bơ̆n Lương Cường lui ngeh, hăm tơdrong tơguăt tơguăl, gơh hơgei păng tơnăp gah sơnong jang, Jơnŭm jang luơ̆t sư Việt Nam gô pơtoi chĕp vei tơdrong juăt jue tơnăp kơ 80 sơnăm kơ ou; hơnơ̆ng hơtŏk hŏk pơhrăm, hơtŏk 'lơ̆ng đon bơnôh chinh trĭ, đon bơnôh 'lơ̆ng lơ̆m pơm jang, hơgei gah tơdrong juăt jang vă pơm jang tơnăp sơnong jang kăp gĭt 'noh: vei vêr tơdrong trŏ, tơdrong pơkăp đơ̆ng luơ̆t teh đak, vei vêr sơnong jang kơ tơnŏk kon bơngai, tơdrong pơyua trŏ ƀlep ăn kon pơlei, ăn teh đak păng tơpôl, tơgop kăp gĭt lơ̆m tơdrong jang hơtŏk tơ-iung teh đak lơ̆m chăl anglŏ sơnăm 'nao hrei ou.