'Măng năm tơmang kơpal đơ̆ng Kơdră teh đak bơ̆n Lương Cường truh teh đak Ai Cập noh kăp gĭt tơrĕk truh tơdrong jang đunh đai hăm tơdrong hơtŏk tơbôl Việt Nam - Ai Cập. Đei pơgơ̆r lơ̆m khei năr Việt Nam tŏk bŏk oei hơdrin keh đang dôm tơchơ̆t jang tơbôl mă Hop akŏm Đảng 'măng 13 tơlĕch, pơtơm lơ tơdrong kăp gĭt gah trong pơm jang vă hơtŏk tơ-iung teh đak, pơkăp truh Hop akŏm mă 14 kơ Đảng Cộng sản Việt Nam; hơmet pơkăp Tơdrong jang "Hơtŏk tơbôl đơ̆ng Việt Nam păng dôm teh đak Trung Đông - châu Phi jăl sơnăm 2016-2025" păng Tơdrong jang "Hơtŏk tơbôl Việt Nam păng Jơnŭm jang châu Phi jăl sơnăm 2021-2025".

Lơ̆m khei năr oei tơmang, Kơdră teh đak bơ̆n Lương Cường gô pơma đam kơpal hăm Kơdră teh đak Ai Cập Abdel Fattah Al Sisi; pơma đam hăm Thủ tướng Mostafa Madbouly, Kơdră Thươ̆ng viê̆n Abdel-Razek păng Kơdră Hă viê̆n El-Gebaly; pơma gah tơchơ̆t jang tơ̆ Anih jang kơ Jơnŭm jang Arab.