Tơ̆ jơ sơng, Kơdră teh đak bơ̆n Lương Cường bơnê kơ dôm tơdrong tơgop đơ̆ng Kơdră jang tang măt lơ̆m khei năr pơm jang tơ̆  Việt Nam, tơgop hơtŏk tơdrong jang tơbôl juăt jue kơ 2 teh đak; atŭm hăm noh kiơ̆ đơ̆ng Kơdră jang tang măt, pơtruh nơ̆r hmach hăm jơnŭm pơgơ̆r teh đak păng kon pơlei Algeria gah dôm tơdrong jang đei jơnei lơ̆m tơdrong tơ-iung pơjing păng hơtŏk teh đak.

Ƀok Kơdră teh đak bơ̆n Lương Cường drơ̆ng nơ̆r akhan: 2 teh đak kăl pơtoi tơgŭm dih băl lơ̆m dôm tơdrong jang hăm lơ teh đak, atŭm jơhngơ̆m tơgop ăn tơdrong rơngei hiôk hian, sơđơ̆ng păng hơtŏk tơ-iung kơjăp tơ̆ 2 tơring păng lơ̆m apŭng plenh teh. Kơdră teh đak bơ̆n Lương Cường thơ thâu hăm Kơdră tang măt gô pơtoi jang đei lơ jơnei hloh hăm kơchư̆k jang 'nao păng mă hăm kơchư̆k jang ayơ adoi gô pơtoi đei lơ tơgop kăp gĭt lơ̆m tơdrong hơtŏk jang tơbôl juăt jue Việt Nam -Algeria.