Pơma ăh jơ lêh, Kơdră teh đak bơ̆n Nguyễn Xuân Phúc ră hơdăh: Dơnŏk duk Liên Chiểu gô jing anih hơdăh ưh adrô̆ hăm tơdrong jang chơ pơdŭ tơmam drăm, logistics mă tơdrong jang tơmang pơhiơ̆ păng tĕch pơdro Đà Nẵng duh gô đei yua, pơjing tơdrong jang tĕch pơdro apŭng plenh teh hăm lơ tơdrong, pơih xă cham char hơtŏk tơ iung ưh adrô̆ ăn Đà Nẵng mă ăn jâ̆p tơring Tŏk bŏk; vei xơđơ̆ng tơpôl teh đak “prăng xơlam teh, pơnir tơm” jên hu kơ teh đak.

Kơdră teh đak tơrĕk, âu jing tơdrong jang tih, găh pơkăp păng jên axong jang, tơrĕk truh 4.324 unh hnam kon pơlei noh athei jang tenh, jang hrôih, jang kơjăp vă kon pơlei hrôih xơđơ̆ng tơdrong erih; tơdrong hơlen, pơgơ̆r, xek tơlang tơhlăk tơhlĭn jing kăp gĭt hloh.