Kiơ̆ tơdrong pơkăp kơ 'măng năm tơmang, đơ̆ng rŏng kơ lêh xơng đe Kơpal kơyuơ Kơdră teh đak Indonesia pơgơ̆r, Kơdră teh đak bơ̆n Nguyễn Xuân Phúc pơma đam hăm ƀok Kơdră Joko Widodo; bơ̆ng pang lêh pơjao dôm hla bar pơkăp jang hadoi kơ 2 teh đak; năm akŏm tơdrong jong xŏng xa kơpal kơyuơ ƀok Kơdră Joko Widodo pơgơ̆r. Kơdră teh đak bơ̆n duh gô pơma đam hăm Kơdră Jơnŭm jang tang măt ăn kon pơlei Indonesia; Pơma đam hăm Kơdră Jơnŭm jang tang măt ăn tơring kơ teh đak Indonesia.

Kơdră teh đak bơ̆n duh gô axong jơ tơƀơ̆p, pơma dơnuh hăm đe kang ƀô̆, bơngai jang tơ̆ Anih jang tang măt ăn Việt Nam tơ̆ Indonesia, Khul Kơpal kơ teh đak Việt Nam tơ̆  ASEAN păng tang măt jơnŭm bơngai Việt Nam tơ̆ Indonesia. 'Măng năm tơmang pơkăp tơdrong tơbôl 2 păh, hơtŏk tơdrong tơbôl Jang hadoi kăp gĭt Việt Nam - Indonesia roi năr roi kơhret, tơpăt păng đei jơnei, pơyua tơnăp ăn kon pơlei 2 teh đak.