Pơma ăh 'măng Akŏm, ƀok Kơdră Yoon Seok Yeol xơkơ̆t, Hàn Quốc hơnơ̆ng lăng tơgĭt Việt Nam jing teh đak kăp gĭt lơ̆m pơkăp jang tơbôl kơ teh đak Hàn Quốc tơ̆ tơring. Kiơ̆ đơ̆ng dôm tơdrong đei jơnei kăp gĭt hlôi jang đei, hăm đon lui pran kơtang khei năr anô̆ anăp kơnh găh jang hadoi kơ 2 teh đak, 2 ƀok kơdră hlôi atŭm tơchơ̆t hơtŏk tơbôl Việt Nam – Hàn Quốc truh “Jang hadoi kăp gĭt tôm tơdrong”, pơih pơjing minh jăl hơtŏk tơ iung 'nao ăn tơbôl kơ 2 teh đak.

Ƀar păh drơ̆ng nơ̆r hơtŏk pran tôm tơdrong jang hadoi găh tĕch pơdro, axong jang, jang hadoi hơtŏk tơ iung păng tơroi tơbăt găh kŏng ngê̆, tơgop hơmet păng hơtŏk mŭk drăm, tơpôl pơtrŏ hăm pơkăp jang 'nao. Pơtôch pơma đam, ƀar ƀok kơdră hlôi tơlĕch Tơchơ̆t atŭm Việt Nam - Hàn Quốc găh tơbôl jang hadoi tôm tơdrong vă xơkơ̆t ăn tơdrong jang hadoi lui ngeh kơjăp kơ 2 teh đak lơ̆m tôm tơdrong jang roi năr roi kơhret kơjăp, pơm jang đei jơnei hloh.