Xơng pơma dơnuh hăm ƀok Kim Sang-Hwan, Ƀô̆ trưởng Anih Vei lăng Anih xek tơlang, Anih tơm xek tơlang Hàn Quốc păng Khul kang ƀô̆ Kơpal năm tơmang Việt Nam trŏ ăh 'măng 2 teh đak tơbăt 30 xơnăm iung jang tơbôl, Kơdră teh đak vih tơbăt kăp gĭt găh 'măng năm tơmang Kơpal truh teh đak Hàn Quốc yơ̆ng âu ki, tơgĭt tơdrong xơng kăp gĭt, chơt hơ iă đơ̆ng ƀok kơdră Yoon Suk Yeol păng Khul Kơpal teh đak Hàn Quốc.

Kơdră teh đak bơ̆n lui ngeh hăm tơbôl jang hadoi tôm tơdrong 2 teh đak, Anih tơm xek tơlang kơ 2 teh đak gô jang hadoi kơjăp, đei jơnei hloh dơ̆ng tơgop pơm hơdăh tơbôl jang hadoi âu. Ƀô trưởng Anih vei lăng anih xek tơlang, Anih tơm xek tơlang kơ teh đak Hàn Quốc Kim Sang-Hwan pôk bơnê kơ ƀok Kơdră teh đak bơ̆n Nguyễn Xuân Phúc axong jơ xơng păng ƀrơ̆k jơhngơ̆m ăh đei iŏk tơdrong xơng drơ̆ng kăp gĭt đơ̆ng Anih tơm xek tơlang tơdrong yoch kơ teh đak Việt Nam. Ƀok duh tơbang tơdrong chơt hơ iă ăh mă 2 teh đak hơtŏk tơdrong tơbôl truh “Jang hadoi tôm tơdrong”, Ƀô̆ trưởng akhan, âu jing tơdrong tơm vă 2 Anih tơm xek tơlang gô tơroh dôm tơdrong jang hadoi pran hloh lơ̆m khei năr truh.