Tơ̆ jơ xơng, ƀar ƀok kơdră xơkơ̆t, tơdrong hơtŏk tơguăt ƀar tơring jang mŭk drăm Việt Nam păng Nigeria noh kăp gĭt, pơm trŏ tơdrong hơpơi 'moih păng mŭk drăm tih tên kơ rim teh đak, tơgop lơ̆m tơdrong hơtŏk jơnap kơ ƀar teh đak.

Ƀar păh drơ̆ng nơ̆r hơtŏk pran jang hadoi tĕch pơdro kiơ̆ tơdrong hơtŏk dôm tơdrong pơm trong hiôk găh tơrĕk tơring tĕch răt ăn dôm tơmam drăm pran kơ rim teh đak, hăm Việt Nam đei dôm tơmam choh pơtăm, ka hơdang, tơmam yua rim năr păng hăm Nigeria noh găr sơlơ̆k vă pơm tơlĕch tơmam xa, tơ̆r păng tơmam drăm bơ̆ đơ̆ng tơ̆r, hơyuh xoh. Ƀar păh hơpơi 'moih hơtŏk jang hadoi, pơm trong hiôk ăn anih jang mŭk drăm 2 păh chă trong axong dôm tơdrong vă jang lơ̆m dôm tơdrong pran nhen chă hơlen xir yua đak dâu hơyuh xoh, kŏng ngê̆ thŏng tin...