Tơ̆ jơ sơng, Kơdră teh đak Võ Văn Thưởng pơma hơdăh găh tơdrong hơtŏk tơiung lơ̆m tơƀơ̆p pơma dơnuh đơ̆ng kon pơlei, jang hơdai joh ayŏ, pơtho pơhrăm Việt Nam-Nhật Bản. Kơdră teh đak pơma hơdăh tơdrong pơvei 2 teh đak hrei ‘nâu tŏk bŏk tơ̆ khei ‘năr hơtŏk tơiung ‘lơ̆ng hơiă hloh đơ̆ng sơ̆ truh dang ei păng tôm tơdrong vă hơtŏk ‘lơ̆ng ‘nao tơ̆ hơnăp kơnh.

Kơdră teh đak bơnê păng ‘meh Nhật Bản hơnơ̆ng bơngơ̆t truh pơm tơdrong hiôk ăn tơpôl vă jê̆ 500.000 ‘nu Việt Nam tŏk bŏk arih sa, hŏk pơhrăm păng bơ̆jang tơ̆ Nhật Bản; hơdai hăm tơbăt Việt Nam ling lang pơm tơdrong hiôk ‘lơ̆ng hloh vă dôm anih jang mơdro sa, kon pơlei Nhật Bản tĕch mơdro, arih sa hiôk tơ̆ Việt Nam.