Đơ̆ng rŏng kơ mơ̆ng dôm nơ̆r roi tơbăt, nơ̆r pơma apinh, tơlĕch dôm tơdrong vă jang đơ̆ng bơngai tang măt ăn kơdră chĕp kơ̆l dôm anih đei ƀơm truh, pơma pơtôch jơ bơ̆ jang, Kơdră teh đak Lương Cường tơtă 1,2 tơdrong jang tơm tơ̆ hơnăp kơnh, lơ̆m noh athei Anih pơvih ăn Kơdră teh đak hơmet pơ ‘lơ̆ng rim tơdrong vă pơvih ăn Kơdră teh đak, Phŏ Kơdră teh đak vang truh Hop akŏm ‘măng mă 13 Khul kơdră chĕp kơ̆l Trung ương Đảng jăl XIII; hop akŏm mă 10 Quốc hội jăl XV truh âu kơnh.

Kơdră teh đak athei Anih pơvih hơtŏk hlŏh dơ̆ng tơdrong ‘lơ̆ng mưh bơ̆jang tơgŭm găh dôm tơdrong jang lơ̆m teh đak, jang tơbôl; tơtom roi tơƀôh dôm tơdrong lăp hăm yăn âu, trŏ ƀlep, pơm ‘lơ̆ng ăn tơdrong bơ̆ jang vă gơh roi đei yoa.