Hăm hơnăn “Gơng tơƀưh – tĕch mơdro – Jang tŏk”, Hop akŏm sơnăm ‘nâu đei hlŏh 20 ‘măng pơma nuh, akŏm găh dôm tơdrong tih tŏk bok đei bơngai tĕch mơdro tơrek truh. Pơma tơ̆ Hop akŏm, Kơdră teh đak pơma hơdăh, đơ̆ng rŏng vă jê̆ 40 sơnăm bơ̆ jang tơplih ‘nao, Việt Nam hlôi iŏk đei lơ tơdrong jơnei gĭt kăl, pơih trong yak kơjăp ăn tơdrong jang tŏk pran kơ teh đak vă kŭm hăm teh đak yak mât lơ̆m chăl jang tŏk ‘nao.

‘Nŏh jĭ tơdrong chĕp kơ̆l pơgơ̆r, trong tơgŭm jang roi ‘lơ̆ng kiơ̆ tơdrong hơgăt đơ̆ng apŭng plenh teh; mĭnh teh đak jang mŭk drăm hơbĕch hơbal, mât jang hơdoi jrŭ xă; mĭnh teh đak đei chinh trĭ, tơpôl sơđơ̆ng ‘lơ̆ng; păng jang hơdoi hăm jơ̆p lơ̆m plei teh. Dôm tơdrong jơnei ‘nâu đei gơnơm đơ̆ng dôm trong jang trŏ ƀlep, tơpang ti, kơ̆l ‘ngok rơgei păng jơhngâm đon jang tơnăp ưh kơ đei hli gleh hrat đơ̆ng đĭ đăng kon pơlei, tơdrong tơgŭm păng jang hơdoi tôch ‘lơ̆ng đơ̆ng bôl boăl lơ̆m apŭng plenh teh.