Kơdră teh đak Lương Cường sơng Bơngai Pơjing đei Grŭp jang MEBO International
Thứ sáu, 09:29, 31/10/2025
VOV/Thuem tơblơ̆
VOV/Thuem tơblơ̆
VOV.Bahnar - Pơgê 30/10 tơ̆ pơlei tơm Kiêng-Chu (Gyeongju), lơ̆m jơ năr vang truh akŏm Giĕng lêh kơdră kơpal Hop akŏm Jang hơdai mŭk drăm châu Á - Thái Bình Dương (APEC) ‘măng mă 32 păng bơ̆jang 2 pang tơ̆ Hàn Quốc, Kơdră teh đak Lương Cường hlôi sơng yă Lý Lợi, bơngai pơjing đei Grŭp jang MEBO International kơ Trung Quốc.
Tơ̆ jơ sơng, Kơdră teh đak Lương Cường pơma hơdăh Việt Nam ling lang pơm rim tơdrong hiôk ‘lơ̆ng ăn dôm anih mơdro sa teh đak đe, lơ̆m noh đei Grŭp jang MEBO, kiơ̆ lơ̆m tơdrong pơm kiơ̆ ƀlep dôm tơdrong hơgăt păng khôi luơ̆t Việt Nam, hơđơ̆ng jơhngơ̆m tơmơ̆t jên jang tĕch mơdro đei yua, kơjăp păng đunh đai tơ̆ Việt Nam.
Kiơ̆ lơ̆m tơdrong pơvei tơbôl joăt joe ‘lơ̆ng hơiă đơ̆ng Việt Nam păng Trung Quốc, lơ̆m noh đei tơdrong jang pơgang, Kơdră teh đak ‘meh vă akhan dôm tơdrong jang tơmơ̆t jên jang, jang hơdai hăm Việt Nam đơ̆ng Grŭp jang MEBO gô tơgop lơ̆m tơdrong hơmet ming hloh dơ̆ng pơvei 2 pang đơ̆ng 2 teh đak tơjê̆ ‘nhŏng oh.
Viết bình luận