Pôk pơ ư đon tơnăp, adrin tôch pơneh đơ̆ng khul kăn ƀô̆, bơngai jang, Kơdră teh đak oei roi tơƀôh hloi dôm tơdrong kăl, tơ̆ hơnăp dôm tơdrong jang roi đunh roi athei jang mă ‘lơ̆ng lơ̆m chăl ‘nao, Anih pơvih ăn ƀok Kơdră teh đak athei hơnơ̆ng tơplih ‘nao pran hlŏh dơ̆ng; hơtok tơdrong hŏk pơhrăm, tơchĕng hơlen, hơtŏk đon rơgei mưh roi tơƀôh; ‘moi kiơ̆ hơnăp jang, tơdrong jang đơ̆ng Kơdră teh đak, Phŏ Kơdră teh đak vă tơlĕch trong jang tơtom, trŏ ƀlep, đei yoa. 

Kơdră teh đak athei Anih pơvih ăn ƀok Kơdră teh đak hơtŏk tơdrong juăt lơ̆m hlŏh 80 sơnăm pơjing păng jang tŏk, vei kơjăp tơdrong mât 1 ƀơ̆r đon, hơtŏk đon jang tơnăp, “ngôi pơchơt pơyan Puih mak mă lei ưh đei hiơt tơdrong jang”, khŏm jang ‘lơ̆ng rim tơdrong đei pơjao, vang tơgop kŭm hăm đĭ đăng Đảng, đĭ đăng kon pơlei hơnhăk teh đak bơ̆n jang tŏk hrĕnh păng pran kơjăp.