Pơma tơ̆ năr akŏm, Kơdră teh đak Lương Cường tơƀôh rơđăh đơ̆ng jơhngơ̆m pran đơ̆ng jơhngơ̆m đon tơgoăt tơgoăl, hơdrin kơdih mă đĭ đăng kon pơlei, đĭ đăng lĭnh bơ̆n hăm tơdrong chĕp kơ̆l đơ̆ng Đảng, hlôi yak hloh rim tơdrong pơmat tat, long nol, tơblăh jơnei rim bơngai mơ̆t tơgar, rơngei teh đak - akŏm teh đak mĭnh hơnih, păng iŏk đei dôm jơnei tih tên, đei tơdrong ‘lơ̆ng gĭt kăl lơ̆m 40 sơnăm tơplih ‘nao, vă teh đak bơ̆n đei trong jang ‘lơ̆ng, tơmam lơ, anih dơ̆ng păng bưng ai lơ̆m apŭng plĕnh teh nhen hrei ‘nâu.

Hăm tơdrong joăt joe đon hơdrin, ‘mêm mơnat, jơhngơ̆m đon tơgoăt tơgoăl đei chĕp răk đơ̆ng kon pơlei Bảo An păng 16 pơlei kơ xăh Gò Nổi, kŭm hăm tơdrong hơdrin tôch bơneh đơ̆ng kơdră đảng, khŭl kơdră tơring, mặt trận rim tơring, Kơdră teh đak lui ngeh rim pơlei kơ xăh Gò Nổi gô hơnơ̆ng hơtŏk tơiung pran, jing hơnih hơdăh lơ̆m pơjing tơring tơrang ‘nao ‘lơ̆ng rŏ, pơlei kueng ƀôt hơgei, sơđơ̆ng, hiôk chơt.