Pơma tơ̆ jơ pơm lêh, Kơdră teh đak Lương Cường vei kơjăp gĭt kăl đon tơchĕng khŭl lĭnh Hồ Chí Minh; dôm trong jang, Tơdrong tơchơ̆t đơ̆ng Đảng, mă loi ‘noh jĭ trong jang khŭl lĭnh, jang tơbôl păng Tơdrong jang vei lăng teh đak lơ̆m tơdrong ‘nao; pơjing Khŭl lĭnh Quân khu kach mang, pran kơtang, gơh hơgei, ‘nao.

Kơdră teh đak lui ngeh đĭ đăng yŏng lĭnh, si kuan, kang ƀô̆, bơngai jang kơ teh đak, khŭl lĭnh păng bơngai jang lơ̆m Khŭl lĭnh Quân khu 3 gô vei kơjăp păng hơtŏk tơdrong joăt joe ang hơdăh “Mĭnh jơhngơ̆m đon, kơchăng, pơcheh hơgei, plang jơhngơ̆m, tơblăh jơnei”, hơdrin jang đang gơh hơgei hloh rim hơnăp jang đei pơjao, tơgop kŭm hăm đĭ đăng Đảng, đĭ đăng kon pơlei, đĭ đăng lĭnh vei lăng kơjăp Teh đak Việt Nam Xã hội chủ nghĩa, hơnhăk teh đak lui ngeh yak mơ̆t lơ̆m chăl ‘nao - chăl hơtŏk tơiung pơdrŏng pran păng hơnŭk hơnoa kơ hơdrĕch hơdrŭng Việt Nam. 

Tơ̆ lêh tơbăt, Kơdră teh đak Lương Cường hlôi pơjao hơpăh Mê đai vei lăng Teh đak dơ̆ng mă Mônh ăn Quân khu 3, Anih tơm  vei lăng khŭl lĭnh.