Tang măt ăn kơdră chĕp kơ̆l Đảng, tĕh đak, Kơdră tĕh đak Nguyễn Xuân Phúc pôk pơ ư păng hơiă hăm rim jơhnơr kăn ƀô̆, bơngai jang lơ̆m THACO hăm dôm tơdrong jơnei tôch ‘lơ̆ng hơiă lơ̆m 25 sơnăm pơjing, jang tŏk. Đơ̆ng 1 anih tĕch mơdro, hơmet gre tơ̆ Đồng Nai, dang ei hlôi jing 1 Grŭp jang kơmăy kơmŏk tơm hăm lơ tơdrong jang gĭt kăl tơ̆ Việt Nam, vang tơgop tôch gĭt kăl ăn tơdrong jang tŏk tĕh đak.

Kơdră tĕh đak athei dôm Grŭp jang mŭk drăm kơ Việt Nam, jô̆ hloi grŭp jang găh tĕh đak păng grŭp jang kơdih, athei năm hơdrol lơ̆m tơdrong tơchĕng hơlen, jang tŏk, tơmât yoa kơmăy kơmŏk ‘nao, tĕch mơdro tơ̆ jơ̆p plei tĕh, hơnhăk tơdrong ư hơ nhang găh hơnăn tơmam tĕh đak Việt Nam.