‘Nâu jĭ ‘măng năm ngôi mă blŭng đơ̆ng 1 kơdră chĕp kơ̆l dơnơm kơ Việt Nam truh tơ̆ Indonesia jô̆ đơ̆ng rŏng kơ Hop akŏm Đảng XIII kŭm nhen iŏk đơ̆ng jĭ Covid-19 đei ƀôh. Mă loi ‘noh, ‘nâu đei lăng jĭ ‘măng năm ngôi mă blŭng đơ̆ng Kơdră teh đak Việt Nam truh tơ̆ Indonesia đơ̆ng rŏng 9 sơnăm păng lơ̆m khei ‘năr 2 teh đak yak truh tơbăt ƀlep 10 sơnăm pơjing tơdrong pơvei jang hơdai (2013-2023).

Hăm dôm tơdrong ‘lơ̆ng jang hơdai dang ei đei đơ̆ng 2 teh đak, ‘măng năm ngôi, bơ̆jang tơ̆ Indonesia đơ̆ng Kơdră teh đak Nguyễn Xuân Phúc đei tơdrong ‘lơ̆ng gĭt kăl, tơgop hơmet ming đon lui chĭnh trĭ, pơm ‘lơ̆ng hloh dơ̆ng tơdrong pơvei jang hơdai lơ tơdrong, hơnhăk tơdrong pơvei 2 pang yak mơ̆t lơ̆m jăl jang ‘nao hơtŏk tơiung pran kơtang hloh.