Kơdră Kuôk hô̆i Nguyễn Xuân Phúc pơma hơdăh, Việt Nam ling lang lăng kăl tơdrong pơvei tơbôl joăt joe păng jang hơdai lơ tơdrong hăm Azerbaijan. Kơdră tang măt Azerbaijan tơbăt, gô jang đĭ jơhngơ̆m kơdih vă tơgop pơtrŭt ăn tơdrong pơvei đơ̆ng 2 teh đak roi ‘năr roi hơtŏk tơiung, păng hơtŏk loi dơ̆ng tơroi tơbăt găh tơdrong pơvei tơbôl joăt joe đơ̆ng 2 teh đak mă loi ‘noh jĭ jơhnơr mơlôh.

Kơdră tang măt Brunei, yă Datin Paduka Malai Hajah Halimah Malai Haji Yussoft, Kơdră teh đak kŭm athei tơ̆ hơnăp kơnh, yă kơdră tang măt pơtrŭt pơma dơnuh đơ̆ng khŭl, tơƀơ̆p pơma dơnuh đơ̆ng kơdră kơpal păng rim kơdră; pơtrŭt jang hơdai 2 teh đak lơ̆m pơtho pơhrăm, tơmang lăng, pơma dơnuh đơ̆ng kon pơlei; tơtĕnh pơjing tơdrong jang bơ̆ jang tơlĕch jang tơdrong pơvei Jang hơdai tôm tơdrong jăl jang 2023-2027.