Bơnê kơ ƀok Kơdră tĕh đak ‘măn jơ sơng, dôm bơngai jang khoa hŏk mŭk drăm ASEAN hơ iă kơ Việt Nam pơgơ̆r đang ‘lơ̆ng Hop akŏm FAEA-45 sơnăm ‘nâu, jĭ tơdrong ‘lơ̆ng vă dôm bơngai jang mŭk drăm pơma nuh, hŏk pơhrăm dôm tơdrong kăl, kŭm nhen pơma nuh truh dôm tơdrong ‘lơ̆ng, tơdrong nol hăm tơdrong jang mŭk drăm tơ̆ tơring đơ̆ng rŏng kơ jĭ Covid-19 păng trong jang vă pơm ăn dôm tơdrong nol jing tơdrong ‘lơ̆ng. Dôm bơngai tang măt oei tơƀôh đon hơ iă hăm tơdrong jang tŏk đơ̆ng Việt Nam păng hŏk iŏk dơ̆ng lơ tơdrong kăp gĭt lơ̆m tơdrong jang tơiung ming, jang tŏk mŭk drăm.

Pơma tơ̆ jơ sơng, Kơdră tĕh đak pơma truh dôm tơdrong nol lơ̆m tơdrong jang mŭk drăm jơ̆p plei tĕh, athei dôm bơngai jang khoa hŏk mŭk drăm ASEAN hơmet pơ ‘lơ̆ng păng tưk tơiung 1,2 tơdrong jang tơm, trong jang tih. Pơm ‘lơ̆ng ăn rim tơdrong tĕch mơ dro lơ̆m apŭng plenh tĕh, hơtŏ băl, rơđăh rơđong păng đei yoa ‘nŏh jĭ tơdrong gĭt kăl lơ̆m anih “jang xa” jơ̆p plei tĕh, blŭng a ‘nŏh jĭ dơ doă lơ̆m grŭp ASEAN.