Kơdră tĕh đak tơ chĕng ‘lơ̆ng tơdrong pơ vei jang hơdoi gĭt kăl tôm tơdrong đơ̆ng Việt Nam- Nhật Bản roi đunh roi tŏk pran ‘lơ̆ng, đei yoa, mă loi jĭ jang hơdoi găh tĕch mơdro, ODA, pơtho pơhrăm, jŏh ayŏ kơ dŏ xoang, bơ̆ jang. Pơ ma truh tơdrong jang hơdoi đơ̆ng dôm tơring kơ 2 tĕh đak roi đunh roi ‘lơ̆ng, Kơdră tĕh đak pơma hơdăh, hơtŏk tơdrong jang hơdoi, tơƀâp băl ‘nŏh jĭ tơdrong gĭt kăl vă tơdrong pơvei kơ 2 tĕh đak roi kơjăp păng tŏk pran ‘lơ̆ng hlŏh dơ̆ng.

Kơdră tĕh đak oei hôn bơnê păng tơchĕng ‘lơ̆ng hơnăp jang đơ̆ng Kơdră chĕp kơ̆l dêh char mưh pơm hơtŏk tơdrong pơvei đơ̆ng dêh char Kanagawa păng Việt Nam, Kơdră tĕh đak athei dêh char Kanagawa pơih xă tơdrong sơng iŏk bơngai hŏk pơ hrăm, bơngai jang điều dưỡng păng bơngai jang nai đơ̆ng Việt Nam…