Pơ ma tơ̆ jơ tơƀơ̆p, Kơdră teh đak Nguyễn Xuân Phúc akhan ‘meh tơdrong jang tang găn sa pơgơ̆m pơjĭp iŏk đei jơ nei ‘lơ̆ng, athei tŭn pran tang găn hiă hơdrol kơ tơjră. Kiơ̆ Kơdră teh đak, tơdrong jang tang găn sa pơgơ̆m pơjĭp khei ‘năr âu ki đei Đảng, Teh đak păng rim kơdră, anih jang, tơring ling lang bơngơ̆t truh păng jang tôch kơ ‘lơ̆ng, iŏk đei dôm jơnei ‘lơ̆ng.

Kơdră teh đak Nguyễn Xuân Phúc akhan, pơlei tơm Hồ Chí Minh ‘noh jĭ anih kơdrơ̆m tih, kon pơ lei lơ kơ na oei đei bơngai dơnuh hin, tam mă sơđơ̆ng tơdrong arih sa. Yua thoi noh, Kơdră teh đak athei Khŭl kơdră chĕp kơ̆l pơlei tơm Hồ Chí Minh bơngơ̆t truh hloh dơ̆ng, đei lơ trong jang tơgŭm hloh hăm bơngai dơnuh hin. Kăl kơ hơtŏk dôm tơdrong jang ‘lơ̆ng lơ̆m tơdrong jang vei lăng ăn bơngai dơnuh hin, kon pơlei kiơ̆ lui kiơ̆ lơ̆m jơhngơ̆m đon ưh kơ lê̆ bu đei hơchăng hŭt tơ̆ rŏng.