'Măng năm tơmang đơ̆ng ƀok kơdră teh đak Panama Jose Mulino jĭ tơdrong kăp gĭt vă 2 teh đak kơhret hloh dơ̆ng tơdrong jang tơbôl, dôm tơdrong pơma đam gah chĭnh trĭ, hơtŏk hlôh vao hăm dih băl, atŭm hăm noh tơplih tơdrong jang tơbôl jing trong jang 'nao, pơyua kăp gĭt.

'Măng năm tơmang đơ̆ng ƀok kơdră Jose Mulino gô tơgop pơih minh trong jang 'nao lơ̆m tơbôl Panama - Việt Nam, atŭm hăm noh pơm trong jang kơjăp hloh ăn tơdrong jang hơdoi đunh khei năr kơ 2 teh đak. Lơ̆m 'măng năm tơmang kơpal truh Việt Nam 'măng mă ou, Kơdră teh đak Panama gô vă pơma đam hăm Tổng Bí thư, Kơdră teh đak bơ̆n Tô Lâm, pơma đam hăm Thủ tướng Lê Minh Hưng păng Kơdră Kuô̆k hô̆i Trần Thanh Mẫn.