Thủ tướng Lê Minh Hưng pơma hơdăh: Sơnăm 2026 tơdrong jang mŭk drăm tŏk ‘lơ̆ng lơ̆m rim tơdrong, hăm 14/15 tơdrong hơgăt jang đei păng lơ hlŏh kơsô̆ pơkăp. Yak mât lơ̆m sơnăm 2027, Việt Nam khŏm druh kiơ̆ trong jang tŏk mă pran, hăm đon hơmĕng jang tŏk GDP đơ̆ng 10% tŏk tơ̆ kơpal. Dôm bơngai tang măt athei hơnơ̆ng tơplih 'nao, tưk tơiung jơhngâm jang tŏk đei hloi găh tơdrong tơmât jên jang, tĕch tơmam tơ̆ teh đak đe, răt yoa tơmam; atŭm hăm 'nŏh pơih trong, tưk tơiung tơdrong jang tŏk 'nao nhen jang mŭk drăm rơgŏh, jang mŭk drăm kơsô̆, jang hơdoi găh mŭk drăm. Kŭm hăm 'nŏh, hơmet pơ 'lơ̆ng tơhlăk tăk ăn dôm tơdrong jang tih, hơtŏk hrĕnh tơdrong tơlĕch jên jang đơ̆ng teh đak, hơtŏk tơdrong đei yoa đơ̆ng khul kơdră pơgơ̆r tơring 2 tăl păng hơtŏk tơdrong hơmet ming trong pơm hla ar vei lăng.

Dôm bơngai tang măt oei akhan, trong pơgơ̆r jang lơ̆m sơnăm 2027 athei jô̆ truh tơdrong hiơ̆ hyĭn đei ƀôh lơ̆m sơnăm 2026 hai, mă loi 'nŏh jĭ yă unh hơyuh oei măk, kơjă tơmam tŏk lơ hlŏh tơdrong mưh dôm trong tơgŭm thuê̆ đei hơmet ming. Kiơ̆ dôm bơngai tang măt Quốc hội, tơdrong jang sơnăm 2027 tôch trăp trĭn mă lei hăm dôm tơdrong gĭt kăl hlôi iŏk đei, kŭm hăm tơdrong adrin tôch ai đơ̆ng rim anih jang chinh trĭ, khul bơngai tĕch mơdro păng kon pơlei, tơdrong hơmĕng jang tŏk truh 2 kơsô̆ sơnăm 2027 rŏ năng gô jang đei tơpă./.