Kơdră teh đak bơ̆n Nguyễn Xuân Phúc, Kơdră Jơnŭm jang pơgơ̆r hop akŏm. Pơma ăh hop akŏm, Kơdră teh đak bơ̆n Nguyễn Xuân Phúc, Kơdră Jơnŭm pơgơ̆r jang pơkăl rim bơngai jang lơ̆m Jơnŭm pơgơ̆r xơkơ̆t dôm tơdrong jang đei lơ̆m pơkăp tơlĕch jang; pơtoi pơma đam tơgop lơ̆m Tơchơ̆t hơdăh Tơbang Xơkơ̆t 10 xơnăm pơm kiơ̆ Tơchơ̆t Trung ương 8 jăl 11; pơma đam, tơgop nơ̆r lơ̆m chih akŏm Tơchơ̆t pơtăl kơ Tơchơ̆t Trung ương 8 jăl 11.

Kơdră teh đak ră hơdăh, Tơchơ̆t Trung ương 8 hăl 11 hlôi tơbang dôm trong jang, đon kơchĕng 'nao, jing hơyak kăp gĭt lơ̆m tơdrong pơgơ̆r đơ̆ng Đảng hăm xơnong jang vei lăng Teh đak lơ̆m 10 xơnăm kơ âu. Kơyuơ noh, xơkơ̆t Chih akŏm Tơchơ̆t pơtăl kơ Tơchơ̆t Trung ương 8 jăl 11 athei vei xơđơ̆ng tơdrong chih rok dôm kơjă xo đơ̆ng Tơchơ̆t Trung ương 8; dôm tơdrong đei jơnei, tơdrong hlôh vao lơ̆m pơm jang hloh 30 xơnăm tơplih 'nao; hơmet tơdrong 'nao trŏ ƀlep hăm tơdrong đei ƀôh dang ei.