Pơ ma tơ̆ jơ sơng, tang măt Kơdră chĕp kơ̆l Đảng, Teh đak păng Kon pơlei Việt Nam, Kơdră teh đak bơnê kơ dôm tơdrong ‘mêm ‘lơ̆ng hơiă, tơdrong pôm nơ̆r ƀơ̆r đon, tơgŭm kăp gĭt mă đe bôl buăl apŭng plĕnh teh hlôi păng tŏk bŏk ‘măn ăn kơ Việt Nam păng tơƀôh đon lui ngeh đe bôl buăl apŭng plĕnh teh gô ling lang yak hơdai hăm kon pơlei Việt Nam lơ̆m tơdrong jang pơjing păng vei lăng Teh đak năr ‘nâu.

Kơdră teh đak pơma hơdăh Đảng, Teh đak păng Kon pơlei Việt Nam ling lang chih iŏk tơdrong tơgŭm kăp gĭt đơ̆ng bôl buăl apŭng plĕnh teh, ưh kơ pơ dê hơdrĕch hơdrŭng, kơ mâu hơ kar, lui khop, ling lang oei hơdai hăm Việt Nam lơ̆m dôm khei sơnăm iung tơblăh mơ mat tat hloh. Tơdrong tơgŭm kăp gĭt ‘noh hlôi jing 1 păh kơ jơhnơr arih iung tơjră ayăt mơ̆t tơ gar đơ̆ng kon pơlei Việt Nam yua kơ tơdrong rơngei, hiôk hian kơ Teh đak, kŭm nhen yua kơ tơdrong rơngei, tơdrong ƀlep păng hơ tŏ lơ̆m apŭng plĕnh teh.