Pơma tơ̆ jơ sơng, Kơdră teh đak Võ Văn Thưởng lui ngeh ‘măng năm ngôi ‘măng âu đơ̆ng Khŭl gô tơgop pơm ‘lơ̆ng hloh dơ̆ng tơdrong pơvei tơbôl pran kơtang, 1 jơhngơ̆m đon păng jang hơdai tôm tơdrong Việt Nam-Lào; hơdai hăm pơtrŭt tŭn pran kơtang tơdrong pơvei jang hơdai hăm Trung ương MTTQ Việt Nam sa roi tơklep hơdai, đei yua.

Kơdră teh đak ‘meh vă Anih jang Trung ương Mặt trận Lào pơjing teh đak hơnơ̆ng jang hơdai kơjăp hăm Anih jang Trung ương MTTQ Việt Nam bơ̆jang kiơ̆ đei yua dôm tơdrong drơ̆ng nơ̆r jang hơdai 2 anih jang; hơdrin tơlĕch jang hơdai lơ̆m dôm tơdrong jang mặt trận, pơtho pơhrăm bơngai jang, krao hơvơn kon pơlei, lui khop, hơdrĕch hơdrŭng, kiơ̆ đơ̆ng noh tơgop hơtŏk ‘lơ̆ng tơdrong pơvei tơbôl pran kơtang, tơgoăt 1 ƀơ̆r đon gĭt kăl, jang hơdai tôm tơdrong Việt Nam – Lào roi ‘năr roi hơtŏk tơiung ‘lơ̆ng hơiă, kơjăp.