Kơdră teh đak Nguyễn Xuân Phúc lăng ‘lơ̆ng hơnăp jang đơ̆ng ƀok Kambiz Ghawami hlôi đei lơ tơgop gĭt kăl lơ̆m pơtrŭt jang hơdai Việt Nam păng Đức găh pơtho pơhrăm đơ̆ng lơ jĭt sơnăm âu ki. Ƀok Kambiz Ghawami păng Anih jang tơgŭm đăi hŏk apŭng plĕnh teh Đức hlôi đei lơ tơdrong jang hơdai hơ dăh hăm lơ hnam trưng, anih pơtho pơhrăm tơ̆ Việt Nam, hơ dăh ‘noh jĭ Hnam trưng Đăi hŏk Việt-Đức.

Bơnê Kơdră teh đak  Nguyễn Xuân Phúc ‘măn jơ sơng, ƀok Kambiz Ghawami tơ băt, ling lang ‘meh vă pơtrŭt jang hơdai 2 teh đak lơ̆m tơdrong jang pơtho pơhrăm. Lơ̆m ‘măng năm tơmang âu, ƀok hlôi bơ̆ jang hăm 1,2 anih pơtho pơhrăm tih hloh tơ̆ Việt Nam. Kiơ̆ đơ̆ng Anih jang tơgŭm đăi hŏk apŭng plĕnh teh Đức, bang Hessen hlôi pơ jao 1,2 kơ suơ̆t hŏk ƀŏng ăn sinh viên Việt Nam.