Pơma hơ dăh teh đak ling lang kăl tơdrong tơ gop đơ̆ng dôm bơngai đei đe lui yom lơ̆m kon pơlei kon kông, Kơdră teh đak ‘meh vă bơngai đei đe lui yom ‘noh jĭ bơ ngai jang ‘lơ̆ng lơ̆m dôm tơdrong jang kơ tơ ring, tơ gop hơ tŏk tơ iung mŭk drăm, tơ pôl, hơ drin vang jang vei lăng sơ đơ̆ng tơ pôl, vei lăng teh đak.

Kơdră teh đak Nguyễn Xuân Phúc hơ păh tơ mam ăn dôm bơ ngai tang măt bơ ngai đei đe lui yom ‘lơ̆ng vang truh jơ tơ ƀơ̆p muh măt

Tơ̆ jơ tơ ƀơ̆p muh măt, dôm bơ ngai tang măt vang tơ roi dôm tơdrong hlôh vao vang jang ming man hnam oei ăn bơ ngai đei kŏng, bơ ngai dơ nuh hin tơ̆ tơ ring; hơ drin yak hloh klăih đơ̆ng dơ nuh hin; krao hơ vơn, tơ roi tơ băt kon pơ lei vei răk păng tơ ƀăk mong dôm tơdrong kăp gĭt joh ayŏ kơ hơ drĕch hơ drŭng, sŭt hŭt tơ drong joăt sơ̆ ưh kơ ‘lơ̆ng...hơ dai hăm tơ ƀôh đon ‘meh vă Đảng, teh đak hơ nơ̆ng tơ gŭm vă kon pơlei hơ tŏk tơ iung mŭk drăm, hơ tŏk ‘lơ̆ng tơ drong arih sa.