Kơdră teh đak bơ̆n xơkơ̆t, dôm tơdrong tơgop tih tên đơ̆ng khul linh kon pơlei, mă dơnơm noh Khul linh kon pơlei Việt Nam nuih mơng, lơ̆m noh đei Sư đoan 341.

Tơdrong nuih mơng đei jơnei kơ Sư đoan tơguăt hăm tơdrong iung tơjră pơrơngei hơdrung hơdrĕch, iung tơjră vă vei lăng tơring xơlam teh găh Pơmơ̆t Pơbăh kơ teh đak, jang xơnong jang apŭng plenh teh tơ̆ teh đak boăl Campuchia.  Chĕp vei tơdrong juăt jue 50 xơnăm kơ anih linh Nuih mơng, lơ̆m khei năr truh, Kơdră teh đak bơ̆n Nguyễn Xuân Phúc pơkăl Anih jang Đảng, Kơdră pơgơ̆r păng tôm Sư đoan 341 pơtoi pơ-'lơ̆ng đon bơnôh, hơtŏk tơdrong rơgei, pơm jang đei jơnei tơnăp, akŏm pơ-'lơ̆ng Đảng ƀô̆ Sư đoan hlăng 'lơ̆ng kơjăp kơtang, pơjing anih linh pran kơtang tôm tơdrong, tơrĕk pơjing khul linh trŏ hăm pơkăp rơgei. Sư đoan kăl đei trong pơgơ̆r mă trŏ ƀlep, pơgơ̆r jang đei jơnei rim tơdrong đei pơjao jang.