Pơma nơ̆r pơtho tơ̆ Hop akŏm, Kơdră tĕh đak Nguyễn Xuân Phúc pơma hơdăh dôm tơdrong jơnei đơ̆ng tĕh đak lơ̆m sơnăm 2022 hăm tơdrong chĕp kơ̆l pơgơ̆r đơ̆ng Đảng, dơ̆ng hơdrol jĭ Tổng Bí thư Nguyễn Phú Trọng păng akhan, lơ̆m dôm tơdrong jơnei ‘nŏh đei tơdrong tơgop gĭt kăl đơ̆ng Anih dăr hơlen kon pơlei.

Kơdră tĕh đak pôk pơ ư anih Dăr hơlen kon pơlei đei đon adrin, kơchăng tơlĕch jang hrơ̆ch ‘lơ̆ng lơ trong jang vă bơ̆ jang ‘lơ̆ng 4 tơdrong jang tih, 7 tơdrong jang tơm, jang đei păng tŏk lơ hlŏh nơ̆r hơgăt hăm lơ tơdrong jang, tơdrong hơgăt đơ̆ng Kuô̆k hô̆i pơjao.

Tơ̆ hơnăp kơnh, Kơdră tĕh đak Nguyễn Xuân Phúc athei Anih tơm dăr hơlen kon pơlei păng rim anih jang jăh chih pơjing tơdrong jang, trong bơ̆ jang mă tơtom, đei yoa hăm dôm tơdrong jang, trong vă jang lơ̆m tơdrong tơchơ̆t kơsô̆ 27 đơ̆ng Trung ương găh "Hơnơng pơjing păng hơmet pơ ‘lơ̆ng tĕh đak chĕp kơ̆l pơgơ̆r kiơ̆ khôi luơ̆t XHCN Việt Nam lơ̆m chăl ‘nao”.