Pơma dơnuh găh tơdrong lơ bơngai tăh hla tơroi ‘noh jĭ tơdrong jang tang găn sa pơ gơ̆m pơ jĭp, Kơdră teh đak pơma hơdăh, Đảng gô hơnơ̆ng tŭn pran tơdrong jang tang găn sa pơ gơ̆m pơ jĭp, ưh kơ ‘lơ̆ng; khŏm hơdrin sek phak tơpăt kang ƀô̆ sa pơ gơ̆m pơ jĭp, ưh kơ ‘lơ̆ng hăm jơhngơ̆m đon ‘noh ưh kơ đei tơring kơ̆m. Vă jê̆ âu kơnh đei dôm tơdrong sa pơ gơ̆m pơ jĭp nai đei ăn tơlĕch sek tơlang.

Tơ̆ jơ tơƀơ̆p pơma dơnuh, dôm bơngai tăh hla kŭm tơ roi 1,2 tơdrong nai nhen hơlen lăng tơdrong pơlong lăng pơjing khul kơdră anih kơ drơ̆m kơ pơlei tơm Đà Nẵng; hơmet pơ ‘lơ̆ng mơmat tat ăn anih mơdro sa; roi kơ tŏk pơm glăi kơ măy kơmŏk ‘nao; tơdrong tơ jră bơngai bơ̆jang roi ‘năr roi lơ; tơdrong ma túy păng teh dong băl tơ̆ hŏk tro. Ƀok Nguyễn Văn Quảng, Bí thư Anih jang Đảng pơlei tơm, Kơdră Khŭl tang măt Kuôk hô̆i pơlei tơm Đà Nẵng kŭm hlôi tơl tơblang dôm tơdrong ‘nâu hăm bơngai tăh hla.