VOV4.Bahnar - Pơgê năr 16/5, tơ̆ Hơnĭh bơ̆ jang Kơdră chĕp pơgơ̆r Tĕh đak, Kơdră chĕp pơgơ̆r tĕh đak Nguyễn Xuân Phúc hlôi pơm tơm pơm lêh sơng Kơdră tơm Hy Lạp yă Katerina Sakellaropoulou iung năm tơmang Việt Nam đơ̆ng năr 15 trŭh năr 19/5 kiơ̆ nơ̆r krao hơvơn đơ̆ng Kơdră jang lơ̆m Dơnŏ anĭh tơm Chĭnh trĭ, Kơdră chĕp pơgơ̆r tĕh đak Nguyễn Xuân Phúc.

Đơ̆ng rŏng pơm lêh sơng, ƀar ‘nu kơdră chĕp pơgơ̆r gô pơgơ̆r pơma đam. Lơ̆m ‘măng năm tơmang, Kơdră tơm Hy Lạp Katerina Sakellaropoulou gô ming gơvang pơkao tơ̆ Hơnĭh tơbăt man tơbăt rim Ƀô̆ đô̆i nuih mơng; dŏng gơvang pơkao păng mơ̆t hơpong Pơsat Ƀok Hô; trŭh kŭh ka hla bat hăm Tổng Bí thư Nguyễn Phú Trọng; Pơma dơnŭh hăm Kơdră chĕp pơgơ̆r Kuô̆k hô̆i Vương Đình Huệ; vang năm Pơm lêh kĭ pơkăp hla bơar kăl păng tơ ƀơ̆p pơma dơnŭh hăm khŭl chĭh kơtơ̆ng ang; năm tơmang lăng Văn Miếu păng vang năm mĭnh ƀar tơdrong pơgơ̆r tơ̆ tơring. ‘Măng năm tơmang tơgop hơmet pơ ‘lơ̆ng lui kiơ̆ dĭh băl chĭnh trĭ, pơm ăn tơgoăt tơgoăl jantg hơdoi gĭt kăl hlŏh dơ̆ng nhen chĭnh trĭ-tơbôl, mŭk drăm, jŏh ayŏ, tơmang pơ hiơ̆ ba tơgoăt tơgoăl tơpă hlŏh dơ̆ng, jơnei hlŏh dơ̆ng.

Tơblơ̆ nơ̆r: Amazưt