Drơ̆ng mĭnh nơ̆r găh dôm hơyak năm tŏk tôch kơ ‘lơ̆ng, tôm tơdrong đơ̆ng pơvei Việt - Trung khei ‘năr âu ki, 2 Kơdră tơm jang tơbôl drơ̆ng nơ̆r akhan anih jang tơbôl 2 teh đak kăl kơ jang kiơ̆ hlôh vao atŭm kơdră kơpal, hơnơ̆ng jang hơdai kơjăp, tơlĕch jang ‘lơ̆ng tơdrong pơm gĭt kăl pơvei jang hơdai gĭt kăl tôm tơdrong, pơtrŭt pơjing Tơpôl vang tơgŭm băl tơ̆ hơnăp kơnh Việt Nam - Trung Quốc đei tơdrong ‘lơ̆ng gĭt kăl kiơ̆ trong jang “6 hloh”; hơmet ăn ‘lơ̆ng ăn rim tơdrong jang tơƀơ̆p pơma dơnuh kơdră kơpal păng rim kơdră; vang yak hơdai hăm rim anih tơm, anih jang, tơring pơm đei jang tŏk pran ‘nao lơ lơ̆m jang hơdai tơpă, hơnhăk tơdrong pơvei 2 Đảng, 2 teh đak hơtŏk tơiung tŏk ‘lơ̆ng ‘nao. 2 păh pơma dơnuh tơpăt găh tơdrong tơ̆ đak dơsĭ păng dôm tơdrong apŭng plĕnh teh, tơring vang bơngơ̆t truh.