‘Măng năm ngôi, bơ̆jang tơ̆ Việt Nam đơ̆ng Kơdră tơm teh đak Nam Phi Cyril Ramaphosa đei hơmĕng gô tơgŭm hơtŏk tơdrong pơvei đơ̆ng 2 teh đak, pơtrŭt tĕch mơdro 2 pang, pơih să jang hơdai lơ̆m rim tơdrong jang tơm nhen choh jang sa, khŭl lĭnh, kơmăy kơmŏk păng lơ tơdrong jang nai.

Tơchĕng hơdrol, lơ̆m jơ năr năm ngôi, Kơdră tơm teh đak Nam Phi Cyril Ramaphosa gô pơma đam hăm Kơdră teh đak Lương Cường păng đei dôm ‘măng tơƀơ̆p gĭt kăl hăm kơdră chĕp kơ̆l Việt Nam. Kơdră tơm Cyril Ramaphosa kŭm gô vang pơm lêh kĭ pơkăp Tơdrong tơchơ̆t Liên Hợp Quốc găh Tang găn pơm glăi Mạng dăh mă oei krao ‘noh Tơdrong tơchơ̆t Hà Nội.