Pơgê 24/11, tơ̆ Anih jang kơ Ƀok Kơdră tĕh đak, Kơdră tĕh đak bơ̆n ƀok Nguyễn Xuân Phúc pơgơ̆r pơm lêh sơng păng pơma đam hăm Kơdră tơm tĕh đak Uganda, ƀok Yoweri Kaguta Museveni. Tơ̆ jơ pơma đam, 2 ‘nu kơdră pơma hơdăh đon pơ hnŏng hơtŏk tơdrong jang hơdoi mŭk drăm, hơtŏk jên tĕch mơdro đơ̆ng 2 pang mă tơgăl hăm tơdrong pơvei chinh trĭ păng hăm tơdrong jang mŭk drăm đơ̆ng 2 tĕh đak.

Ƀar ‘nu kơdră pơma truh tơdrong gĭt kăl đơ̆ng jang hơdoi găh choh jang xa, năng ‘nâu jĭ 1 lơ̆m dôm tơdrong jang hơdoi tơm đơ̆ng 2 păh vă vei lăng sơđơ̆ng ‘lơ̆ng phe ƀa tơmam xa lơ̆m tĕh đak păng lơ̆m plei tĕh kiơ̆ đơ̆ng dôm trong jang hơdoi 2 pang dăh mă lơ pang hăm tơdrong vang jang đơ̆ng dôm tĕh đak pơdrŏng. Đơ̆ng rŏng kơ pơma đam, Kơdră tĕh đak Nguyễn Xuân Phúc păng Kơdră tơm Yoweri Kaguta Museveni dơ̆ng lăng lêh kĭ pơkăp 1,2 hla ar jang hơdoi găh 1,2 tơdrong jang.