Lơ nơ̆r pơma tơ̆ hop akŏm akhan, tơplih hăm kơmăy rơgŏh păng jang kiơ̆ tơdrong hơgăt ESG hrei ‘nâu jĭ nơ̆r athei jang ưh gơ̆h veh vă rim anih tĕch mơdro vei kơjăp trong tĕch tơmam, pơih xă anih tĕch mơdro păng hơtŏk kơsư̆k pơjei. Vă jang đei tơdrong ‘nâu, anih tĕch mơdro athei kăt tơjur kơchơ̆t ‘mê̆, vei lăng rơđăh ‘lơ̆ng, iŏk yoa mă ‘lơ̆ng dôm tơmam drăm, hơmet ming anih bơ̆ jang păng tơroi tơbăt hơdăh kơsô̆ chih răk. 

Pơma tơ̆ hop akŏm, Kơdră vei lăng kon pơlei dêh char Gia Lai Phạm Anh Tuấn pơma hơdăh, đơ̆ng 2026-2030, tơring chih hơdăh gô vă hơtŏk tơdrong tơplih hăm kơmăy, jang hăm kơmăy rơgoh, atŏk tơiung kơmăy pơm tơmam, unh hơyuh rơgoh păng choh jang xa hăm kơmăy kơmŏk ‘nao. Kơdră vei lăng kon pơlei dêh char Gia Lai pơkăp khul kơdră pơgơ̆r vă tơplih pran đơ̆ng đon vei lăng jing pơvih pơvăn, yak hơdoi kŭm hăm anih tĕch mơdro tơlĕch dôm tơdrong jang kăl.