VOV4.Bahnar - Kiơ̆ kơ tơ̆ng ang đơ̆ng Anih jang tang măt Đan Mạch, Kon ƀok pơ tao Đan Mạch păng hơ kăn sư vă chĕp kơ̆l khŭl anih jang mơ dro sa Đan Mạch năm tơ mang tơ̆ Việt Nam đơ̆ng ‘năr 1-12/11/2022. ‘Măng năm tơ mang âu ‘noh 1 păh đơ̆ng tơ drong jang tơ băt 50 sơ năm năr pơ jing tơ drong pơ vei tơ bôl đơ̆ng Đan Mạch păng Việt Nam. ‘Măng năm tơ mang vă pơ trŭt tơ drong jang hơ dai đơ̆ng Việt Nam păng Đan Mạch lơ̆m tơ drong jang ŭnh điên kial păng iŏk yua ŭnh hơ yuh đei yua ‘lơ̆ng. Kŭm lơ̆m ‘măng năm tơ mang âu, Kon ƀok pơ tao păng hơ kăn sư kŭm hăm khŭl jang mơ dro sa Đan Mạch vă tơ ƀơ̆p dôm kơ dră chĕp kơ̆l teh đak păng khŭl kơ dră teh đak Việt Nam, dôm anih jang mơ dro sa, kŭm nhen vang truh akŏm dôm tơ drong hop akŏm găh tơ plih rơ goh păng tơ mang tơ̆ dôm tơ drong jang ŭnh hơ yuh.

Thuem: Tơ blơ̆