VOV4.Bahnar - Anih jang tơ goăt 1 jơ hngơ̆m đon kŏng yăo Việt Nam dêh char Dak lak ‘nao pơ gơ̆r hop akŏm bơ ngai tang măt bơ ngai lui kŏng yăo Việt Nam pơ jing păng vei lăng teh đak dêh char Dak Lak ‘măng mă 7. Dêh char Dak Lak dang ei đei hloh 217 rơ bâu ‘nu bơ ngai lui kŏng yăo, hơ kŭm pơ hrăm tơ̆ 108 hnam hơ kŭm.

Trung ương Anih jang tơ goăt 1 jơ hngơ̆m đon Kŏng yăo Việt Nam asong tơ mam hmach chơt hơ iă jơ nei hop akŏm

Jang kiơ̆ tơ drong krao hơ vơn “ Đĭ đăng kon pơ lei tơ goăt 1 jơ hngơ̆m đon pơ jing tơ ring tơ rang ‘nao, anih kơ drơ̆m hơ gei”, kon pơ lei lui kŏng yăo hlôi hơ dai hăm kon pơ lei tơ̆ dôm tơ ring kon pơ lei hơ drin vang tơ gop dôm jĭt ti hlak jên, plang song kơ hrĕng mét vuông teh vă pơm trong, ming man, pơm hơ met ming trong nơ năm tơ̆ pơ lei, tơ̆ xăh. Lơ hnam hơ kŭm hlôi tơ mơ̆t jên jang ming man hơ nih ngôi pơ chơt, tơ plŏng kơ dâu, hơ ri hơ soang, tơ gŭm hơ druh tơ dăm đei hơ nih ngôi pơ chơt ‘lơ̆ng hơ iă. Tơ̆ hơ năp kơnh, kon pơ lei lui kŏng yăo tơ̆ tơ ring hơ drin mĭnh jơ hngơ̆m tơ gŭm băl hơ tŏk tơ iung mŭk drăm, tŭn pran dôm tơ drong jang ‘mêm mơ nat, hơ dai hăm kon pơ lei lơ̆m dêh char pơ jing pơ lei pơ la pơ drŏng ‘lơ̆ng rŏ, hơ gei.

VOV Tây Nguyên -Thuem tơ blơ̆