Tơring tĕch răt tơmam plang păng tơmam pơrŏ adoi lơ păng 'lơ̆ng hloh. Kiơ̆ kơ dôm tơ 'ngla anih tĕch răt tơmam drăm, xơnăm âu tơdrong răt lơ hloh noh đơ̆ng blŭng khei 11, lơ anih jang mŭk drăm hlôi pơtơm chih măt răt 'long hơngo tih vă 'măn pơrŏ, oei khei năr âu mă lơ noh kon pơlei răt tơmam yua lơ̆m unh hnam.

Pơtêng hăm xơnăm xơ̆, tơdrong tĕch răt tơmam pơrŏ Nô-el xơnăm âu đei lơ tơmam guăng 'lơ̆ng kơjă ưh đei kăp dang yơ noh tĕch hlot tôm. Minh pơyan Nô-el dơ̆ng jê̆ truh mă hơmet hrôih dăh mă klui, lơ kon pơlei Đăk Lăk adoi chơt hơ iă hơmet tôm tơnăp ăn giĕng tih Nô-el hăm tơdrong hơpơi đei xơđơ̆ng xơnêp xơnoi, grăng pran truh hăm rim unh hnam.