VOV4.Bahnar -  Dêh char Kon Tum dang ei đei hloh 6.200 bơngai hơven hơvo jo jăn păng đei lơ lơ\m kơso# bơngai ưh kơ pu\n ai âu ưh đei kơdu\n tơ\ ro\ng, kơ 'nôh hơto\k tơ iung pơgơ\r kơdih tơdrong erih po.

          Pơmai Nguyễn Thị Kim Trúc, 49 xơnăm ăn tơbăt, 23 xơnăm adrol ki hăm jơ\ng hơven hơvo, pơmai đơ\ng pơlei pơla Bình Định năm oei tơ\ Kon Tum chă trong pơm jang erih xa. Găn ga lơ tơdrong pơm jang, đơ\ng chuă hơnhuăl, tanh ao tơno\ chă erih xa rim kơ năr, đang kơ noh hơko\p đei pơjing anih te\ch tơmam âu to. Ưh adro# hơto\k pơm tơm kơdih tơdrong erih po, pơmai Nguyễn Thị Kim Trúc oei tơnăp hăm xơnong [ok kon, vei lăng tơnăp găh tơmam drăm, đon bơnôh ăn bre yă [ok rơneh pơjing pơmai lơ\m khei năr oei erih păng [ok oh dro\nglo j^ jăn tơ\ pơlei pơla. Ưh adro# thoi noh, pơmai oei tơgu\m ăn 2 'nu jang tơ\ tơring đei tơdrong jang thêm. Tơroi găh tơdrong jang păng tơdrong erih kơ po, pơmai Trúc tơroi thoi âu: “Kơdih inh noh athei erih mă tơnăp, kơdih inh athei băt kơche\ng, athei băt oei xa dơnưp 'lơ\ng. Te\ch tơmam athei đei đon vă mih ma duch nă tơgu\m truh tơ\ ba, răt tơmam drăm ba. Oei ba erih mă ưh đei đon, kơne# noh te\ch tơmam kăp, đe ưh kơ 'mêm ôh. Đon bơnôh noh dơ\ng hơlâu đ^ đăng. Hơven hơvo jo jăn mă lei athei đei đon 'lơ\ng”.

        Bơnê kơ tơdrong erih tơ 'ngla te\ch, lơ tơmoi răt tơmam kơdih mơ\t hloi tơ\ anih te\ch vă io\k tơmam mă kơdih po vă răt. Yă Nguyễn Thị Lan, oei tơ\ Kueng 3, phương Duy Tân, bơngai hơnơ\ng ako\m lơ đon băt 'lơ\ng ro\ [ơ\t tơbăt truh bơngai te\ch tơmam drăm âu: “Ah! Pơmai Trúc noh ah. Te\ch tơmam rơho\ rơhal. Mă tơpă xư te\ch tơmam adoi reh hloh noh pơmai Trúc hơnơ\ng đei lơ đe truh răt tơmam. Pơmai Trúc noh găt pơ 'nam. Lăng atu\m bơngai hơven hơvo jo jăn ră mă lei pơ 'nam, rơgoh, noh rim bơngai adoi lăp kơ măt, noh xư đei lơ tơmoi truh răt tơmam”.

        Rim bơngai đei kơdih tơdrong erih phara, rim bơngai đei kơdih tơdrong hơven hơvo phara băl, cho\ng mă đei lơ lơ\m kơso# hloh 6.200 'nu bơngai hơven hơvo jo jăn tơ\ dêh char Kon Tum hlôi tơchă đei tơdrong xo# ăn kơdih po. Đei minh tơdrong pơkăp [ônh kơ [ôh noh, ăh pơma dơnuh hăm đe xư, noh [ôh hơdăh tơdrong kơ 'nôh hơto\k tơ iung, lui ngeh hăm kơdih po.

Pơmai Phạm Thị Hồng Hương, 53 xơnăm, oei tơ\ Thôn 6, xăh Đoàn Kết, plei tơm Kon Tum rơven jơ\ng đơ\ng oei 'la#p, dang ei hlôi đei tôm kon xâu, duh oei pơ 'nam jang xa: “Tôm tơdrong jang noh inh ke\ jang, inh adoi hơdrin. Vih noh kăt 'nhe\t ăn rơmo, ăn nhu\ng xa. Rơvơn noh năm jang bơ\ 'long duih tơ\ Khul Tự lực. Kơsơ\ chôt vih noh chă x^t hơmet hơbăn ao ăn kơ đe. Lăng atu\m tơdrong jang đei chă jên ăn unh hnam, kon hơ ioh, klo inh dang ei duh j^ jăn. Tơdrong hơpơi đơ\ng dôm bơngai hơven hơvo jo jăn noh adrin xo# chơt, lui ngeh dơh po ne\ lao đon. Kơdih ba gơh jang yă kiơ noh ba jang atu\m hăm tơpôl”.   

        Yơ\ng âu ki, Jơnu\m Vei vêr đe hơ ioh păng Jơnu\m Vei vêr bơngai hơven hơvo jo jăn dêh char Kon Tum pơgơ\r Hop ako\m pôk hơpăh hăm bơngai hơven hơvo erih rơgei. Yă Nguyễn Thị Ánh, Kơdră Jơnu\m jang ăn tơbăt: “Hop ako\m 'măng mă âu nhôn đei 100 'nu tang măt jing dôm bơngai hơven hơvo jo jăn tơ\ tôm apu\ng, plei tơm vih ako\m. Dôm bơngai erih jang xa rơgei tơ\ âu gơh đei Jơnu\m jang tơgu\m, phơ pho\ tam mă đei Jơnu\m jang tơgu\m mă lei đe xư hlôi đei dôm tơdrong jang kăp g^t vă hơto\k klaih đơ\ng hin dơnuh, hơto\k lơ\m tơdrong erih păng tơgu\m ăn dôm bơngai hơven hơvo hin dơnuh hloh vă đe xư hơto\k tơ iung. Kiơ\ rim 'măng Hop ako\m noh ke\ pơlan xă tih tên. Dôm bơngai đei vih Hop ako\m âu vih tơ\ tơring po athei pơlan xă um ai jang xa rơgei dơnưp ăn dôm bơngai erih tăp dăr vă đe atu\m hơto\k tơ iung dơh po”.                

          Đơ\ng blu\ng xơnăm truh dang ei, găh Jơnu\m jang vei vêr xơnong ăn đe hơ ioh păng Jơnu\m vei vêr bơngai hơven hơvo jo jăn kơ dêh char hlôi axong ăn 44 to\ hnam 'mêm kơ eng hăm kơjă 125 tr^u hlj; tơgu\m 10 to\ rơmo yo\ng ăn unh hnam bơngai hơven hơvo mă đei tơdrong erih tơnap tap păng to\k bo\k hơmet axong 200 tong gre dru\t ăn bơngai hơven hơvo.

Lan chih păng pơre nơ\r